對於近期市況較為波動,潘新江指出,不排除有僱員因市況波幅而改變資產配置,但預期短期內環球利息低企、低通脹和低增長的情況會維持,並不建議僱員的強積金資產配置轉換太頻密,因強積金屬長期投資。他又指出,現時投資者對強積金的收費仍然未能完全了解,未來需要繼續教育投資者。
香港投資基金公會於去年第四季進行的調查發現,54%的受訪者表示希望61歲退休,並預計需要超過500萬元去支持退休生活,平均要用14年來存起這筆錢。
渣打員工攝影比賽 勝者去晏菲路睇波
一講起利物浦,好多英超球迷都諗起名曲《You'll Never Walk Alone》,但仲有一樣嘢是和利物浦關係密切的,就是贊助商渣打銀行。
事緣渣打早在2010年,已經成為利物浦足球會的官方主要贊助商,所以球衣都有渣打的標誌,而今年已經踏入第10年。為了慶祝咁長的合作關係,渣打就舉行「Red for a Day」活動,鼓勵全球員工在上周五(17日)穿起紅衫。此外,紅衫員工仲可以參加攝影比賽,獎品就真係十分有意思,係去利物浦主場晏菲路球場睇波。
利物浦今年戰績相當厲害,依家喺英超打咗22場贏咗21場,不但高居榜首,而且仲拋離第二名的曼城16分。利記今年成績咁勁,渣打作為贊助商,相信飲得杯落。
高瞻