中環IFC外望——滙豐港員工每人收五舊水利是

  市道轉差之下,滙豐利是就冇縮水。滙豐尋日發內部公告,將向所有香港員工派500蚊電子利是,銀碼同去年一樣,獎勵佢哋為公司及客戶嘅貢獻,兼職員工也有份。截至去年9月底,滙豐集團係香港嘅員工有3.2萬名,即係一共派咗逾千萬蚊。

  「一姐」滙豐香港區行政總裁施穎茵(Diana Cesar)昨日朝早就發電郵話,即使今年不確定性持續,亦有信心大家可以克服挑戰,繼續成長。最後仲「恭喜大家發財」。

  滙豐發言人就話,該行希望藉著農曆新年,感謝各位同事過去一年嘅努力,所有香港員工都可受惠,包括長期僱員、長期兼職僱員、合約僱員、時薪兼職僱員,同埋在港發薪嘅海外派遣僱員。電子利是將於下一個出糧日透過出糧戶口發放。

有線梁淑儀過檔馬會慈善部主管

        早前有線營運總裁梁淑儀意外請辭,外界一直未知其行蹤,終於要水落石出。據本地媒體報道,原來喺要過檔去馬會做慈善事務部嘅主管,為馬會嘅慈善項目出謀劃策,相信未來或會有更多慈善項目推陳出新。

        即將卸任的梁淑儀,早前曾經現身有線新聞OTT App發布會,罕有地解話長達十幾分鐘後,當日晚上閃電宣佈請辭營運總裁一職。雖然已經請辭,但其在記者會後,亦繼續詳盡地介紹該應用程式的後續發展,相信也是其回巢有線,為有線創造的最後一個作品。

        她曾經係電訊業界資深人士,不過在八年前,佢就放棄香港移動電訊(CSL)大眾客戶市場總裁呢一個高薪職位,轉投長者安居協會行政總裁,希望為銀髮階層盡一份力,相信當年在做行政總裁時已經同馬會有不少合作,所以今次由有線轉戰馬會,睇嚟都係一份非常合佢心水嘅新工作,希望佢今次回歸慈善行業,可以為呢個社會再多作貢獻啦。

高瞻

hd