中環IFC外望——大劉再派七萬口罩 APP登記免排隊

  近期新冠肺炎疫情肆虐,有不少企業以科技協助抗疫,一解本地市民排隊領籌之苦。華人置業(127)創辦人「大劉」劉鑾雄的太太陳凱韻(甘比)表示,繼早前免費分發口罩予有需要人士後,再向旗下商場The ONE及皇室堡的會員派發共7.2萬個口罩。

  市民只需要於手機APP內登記會員,則可憑迎新積分500分,取得韓國口罩1包(共10個),並於今日(19日)起14日內前往有關商場,免費換領口罩。若會員在換領口罩時能代表長者出示長者卡,更可以額外獲贈多1包口罩。

  另外,騰訊(700)旗下騰訊雲宣佈,支援本地應用程式THE GULU內的遙距手機派籌購買防疫用品功能,以應付單日最高128萬用戶同時登入App內領籌,實行數碼化抗疫。

  THE GULU推出的「抗炎專區」,聯同各大零售企業提供遙距手機派籌買或領取口罩及消毒用品服務。合作商戶共五家,包括莎莎(178)化妝品、卓悅(653)、日本城等連鎖零售店及藥房。

富石金融好日子 派口罩招呼傳媒

  最近因為病毒搞到人心惶惶,各位可以唔落街就唔落街,盡量避免外出。一眾需要曝光嘅機構或者公司就最擔心,好多採訪活動都整唔到,不過今日掛牌嘅富石金融(2263)就出奇招,用「派口罩」嚟吸引一眾傳媒出動,真係「雞髀打人牙骹軟」!

  今日敲鑼嘅富石金融噚晚就話,公司特別為到場嘅傳媒準備口罩,不過就要以傳媒手上嘅卡片為準,每間機構最多只可以獲得五個,合共就準備咗200個口罩,會即場派發,話係希望工作辛勞嘅傳媒朋友可以好好照顧自己身體,齊心抗疫,繼續努力建設香港金融市場。

  老實講,五個口罩可謂「杯水車薪」,以報社為例,通常會派兩位記者,包括攝影記者一同到場採訪,即使有多嘅口罩剩,都只係每人一兩隻。

  不過工作還工作,希望大家都可以保重身體,一同抗疫!

高瞻

hd