中環IFC外望——甘比華置擔大旗 接替胞姊任CEO

  華人置業(127)大股東兼執行董事「甘比」陳凱韻(圖左)「擔大旗」,接替其胞姊陳詩韻,出任集團行政總裁一職;每年酬金為10萬元,並會每年作檢討。

  集團昨日宣佈,陳詩韻希望能投放更多時間於個人事務上,已向董事會呈辭,辭任其執行董事及行政總裁一職,董事會已委任執行董事陳凱韻為行政總裁,並於昨日起生效。陳詩韻已確認與董事會並無任何意見分歧,並無任何辭任事宜需要公司股東垂注。

  「甘比」為華置前主席「大劉」劉鑾雄(圖右)妻子,於2017年起出任集團執行董事,亦出任集團若干附屬公司之董事;於2002至2005年加入集團當時之聯營公司,參與該公司之化妝品業務包括「雙妹嚜」產品,並具有超過三年半於香港傳媒工作經驗,以及擁有個人物業及證券投資經驗。



  花旗烏龍入錯數 五億美元凍過水

  銀行入錯數畀人時有所聞,但好似花旗銀行擺烏龍入錯左九億美元畀人,就真係聞所未聞。話說去年八月,花旗紐約貸款部原本計劃替露華濃(Revlon),向債權人償還大約780萬美元利息,點知搞錯還咗九億美元債。

  部份露華濃債權人都好有人情味,應花旗要求歸還款項,但有10個債權人,包括Brigade Capital Management、HPS Investment Partners及Symphony Asset Management等對沖基金和資產管理公司就懶理,一於袋袋平安,累到花旗唔見五億美元,花旗唯有控告佢哋。

  不過根據美國法院最新裁決,債權人有權保留呢筆合共約五億美元的烏龍錢,毋須歸還花旗。花旗梗係不滿裁決喇!其發言人已表明會提出上訴,誓要追回全部款項。

高瞻

hd