中環IFC外望——金管總裁談成長路 自爆曾立志從醫

          金管局總裁余偉文(見圖)好少對外講他的成功之路,不過他接受今期中大校友季刊訪問,大談自己經歷。佢話自己出身基層,小時家住大坑東,與七兄弟姊妹住喺百多方呎嘅屋。後來搬去沙田瀝源邨,為咗方便搭車就揀咗報讀近火車站的拔萃男書院,仲諗住讀醫懸壺濟世!

  終於余偉文成功入咗中大讀生物化學系,但點解揀生化系?原來當時讀完生化系一年級,有機會轉到醫學,點知入學無幾耐中大改變政策,閂咗生化系轉讀醫科呢道門,佢怕日後出路窄,於是決定轉系。雖然佢曾想過轉去社工系,但自問性格內向未必適合,而且都要睇番現實,當時據聞讀社工唔易搵工,相返企業管理系出路就闊好多,於是就轉讀企管系。

  畢業後第一份工就在一間英資銀行做見習經理,受訓兩、三個月後,就被派到石硤尾白田分行做銀行出納員,初初以為必能勝任,但點知返工首周,有日因自己數銀紙數少咗一百蚊,結果累到全部同事一齊「留堂」。正因這次疏忽,令佢記着以後做事不論大小,絕不能掉以輕心,要盡力做好。

  喺銀行做咗一段時間又想趁年輕出去拼搏下,咁啱有個政務主任(AO)位,就轉咗做政府工,初頭喺觀塘政務處工作,到1991年被調到外匯基金管理局,去到1993年金管局成立過檔,一做就做到現在。



貨輪蘇彝士擱淺 每小時貿易損失31億

  長榮海運巨型貨櫃輪「長賜」號周二意外在蘇彝士運河擱淺,仍未脫困,有業內初步估計,蘇彝士運河受阻貨運貿易每小時損失約4億美元(31.2億港元)。

  根據知名的船舶日報Lloyd's List的追蹤資料,目前有約165艘船隻不是在運河兩端苦候,就是塞在運河內不能離去。該媒體估計,單日通過運河的東向及西向貨櫃貿易額約達96億美元,意味因「長賜」號阻塞導致運河封閉,每小時貿易損失或達4億美元。

高瞻

hd