「無理由每人倒貼幾百蚊」 新娘要求賓客畀人情要記名

  待嫁新娘要求婚宴賓客寫下人情金額,成為網絡熱話。「愉景灣酒店 buffet(自助餐) 係好貴的,無理由要我哋為每位倒貼幾百蚊㗎嘛!同埋人情嘅利是封係要寫低你個名的」。

  這名港女準新娘所說尾句,令人「個心離一離」,被指對數,令賓客感到講金不講心,赴約有壓力。

  有指發短訊者,是一名九十後「網絡紅人」 ,內容如下:「咁講會有啲尷尬,希望你唔好介意呀,同埋我叫咗好少人,所有人加埋係九至十圍,所以叫得都是我喜歡的。就係咁嘅,因為聽到有人以為可以唔使畀人情,淨係畀結婚禮物就得,但以我所知及問過人,去飲係一定畀人情。」

 「為免發生呢啲事件,我溫馨提示大家,另外今次嘅愉景灣酒店 buffet 係好貴的,人頭算的,希望大家明白結婚已經要用好多錢,冇理由要我哋每位倒貼幾百蚊㗎嘛,同埋人情嘅利是封係要寫低你個名的。」

  網民踴躍討論:「無禮貌朋友,應該斷交!」也有網民指該酒店價格應是約十萬元包一百二十人,即人均約八百多元,推測新娘擔心屆時「位位五百」要賠本。


hd