〈頭條開Live〉疫苗接種知多啲！ 你打咗疫苗針未？

　　此時此地，疫情未斂，特區政府四處張羅購入疫苗，鋪天蓋地呼籲市民接種。於此之際，卻有消息傳來，有位長者在接種疫苗後兩天，突然猝死。此突發事件，引起全民恐慌，到底好唔好接種疫苗，打邊隻疫苗？成為坊間熱門話題。

　　頭條開Live有見於此，請來業界專家「中卓醫務集團」曾德華醫生及「香港護理學院」汪國成教授，主講《疫苗接種知多啲》，分析講解接種疫苗相關嘅問題。

　　首先，曾醫生與汪教授均指出，早前接種疫苗後兩天猝死的長者乃長期病患者，經檢驗後，證實死因與接種疫苗無直接關係，市民毋須恐慌。

　　專家開Live，講清講楚，目前特區政府開打嘅疫苗係「科興」及「復必泰」，這兩種疫苗之保護率為50%至90%，達到世衞標準，安全可靠。

　　曾醫生、汪教授分別闡述，由於疫苗功能有別，乜嘢年紀、乜嘢體質嘅人，接種邊一隻最適合，接種時同埋接種後要注意的乜嘢事，一旦發覺有乜唔妥點辦？此外，接種疫苗後，一旦不慎接觸過確診者，或者去過確診者停留過嘅地方，點算好？「三高人士」或者食緊薄血藥嘅人，好唔好接種疫苗？諸如此類問題均詳為講解。

　　正所謂唔怕一萬，最怕萬一，為確保平安，各位開Live睇吓《疫苗接種知多啲》，聽吓兩位專家點講，選擇接種適合自己嘅疫苗，有覺好瞓。