【MAMA頒獎禮】BTS能否創歷史四度攞「年度歌手」?

今日喺日本名古屋巨蛋舉行嘅大型頒獎禮Mnet Asia Music Awards(MAMA 2019),當地時間下午6時正式開始,大家除咗關心有咩表演嘉賓之外,亦都好想知已蟬聯三年「最佳年度歌手」嘅防彈少年團(BTS)今年可唔可以創造歷史,超越BIGBANG,第四次拎呢個獎!

去年奪得「最佳年度歌手」、「最佳年度專輯」等獎項嘅BTS,係今屆其中一個入圍最多嘅組合,包括「最佳年度歌手」、「最佳年度歌曲」、「Worldwide Fans' Choice」、「最佳男子團體」、「最佳舞蹈表演(男團)」;加埋Suga兩項「最佳合唱」提名共有7項。喺網上投票,BTS喺「最佳年度歌手」中大幅拋離其他對手,獲得超過37%,緊隨其後嘅係《PRODUCE X 101》出道男團X1(8.03%),同埋出道7年嘅男團EXO(7.97%);相信BTS今屆應該可以再下一城!

至於出演名單中,備受注目嘅有去年與BLACKPINK合作推出單曲嘅英國女歌手Dua Lipa,不知會否與其他歌手、組合有合作演出!仲有朴軫永將與MAMAMOO帶來合作舞台,因為佢哋嘅造型向來都十分前衛,曾經分別著過透明塑料嘅衫褲出show,所以今晚同台會以咩造型亮相,實在令人期待!

Photo Source: IG


hd