仲達 - 天駟一於再追|頭號目標

第七場二班一八○○米。上次大家都認為「發財先鋒」配潘頓應該開齋,膽粗粗咁推介上季尾復出三仗未算完全回復水準嘅「天駟」,最後羅廄包辦三重彩,「天駟」勉強有個第三,派六十幾蚊P,都叫好好彩喇,今次仲追?

其實睇番「天駟」過往演出,除了贏快活谷係先慳位之外,其餘三次贏沙田,甚至上季初出上名,都係沿途走生位,直路飛中外疊可愈追愈勁。反觀上仗,「天駟」早段慳位無可厚非,但入直路後一直無法拉出望空,到最後一百米先叫逼出擺正,都算有追番喇,明顯一席季軍未反映全部實力。

近兩季所見,「天駟」都係季初搏幾場後便回落,唔排除體質不利勤拼,季初熱身後的一兩仗,應該係佢爭功黃金時候。今仗對手和上仗差不多,形勢不會差,一於追多鋪。
仲達

hd