B女靚馬——攻頂人強馬勇堪信賴

第五場三班一千米。我就鍾意「攻頂」,佢上仗跑同程得第三,當時早段步速甚快,不過本身前置算走得輕鬆,鞍上人拿捏得好,直至末段有少許內移,臨近終點才被「你知我勝」同「龍騰飛翔」追過,表現非常唔錯。今場回配贏馬拍檔潘明輝,呢對組合值得信賴,賽前人馬試閘放頭跑,走來從容不逼,今仗只要早段稍為留住,末段有權衝上贏晒。配腳我揀「龍騰飛翔」同「翩翩君子」。

第六場三班千六米。我就揀「醉眼光」做重心,佢上季三戰同程獲一冠一亞,路程有根有據,729場次沿途有遮擋,結果造最快末段時間衝上得亞軍,僅輸頸位非常唔抵。近期佢在從化試閘走勢良好,外觀亦好靚,今場排五檔會有遮擋,只要直路階段能盡早望空,有力重開勝門。配腳我揀「隱形翅膀」同「疾風明駒」。
B女

hd