B女靚馬——福朵朵樂仔珍惜機會

第六場四班千二米。我揀「福朵朵」做重心,佢上仗早段留得較後,然後沿欄逐漸追上,直路階段再移出中路,衝勢愈來愈勁,可見狀態已有水準。今場再跑同程,馬主劉志芹向來樂於給予機會年輕人,上仗周俊樂發揮有板有眼,自然再獲帥印,今場只要好好把握機會,相信不難打開勝門。配腳我揀「銀進」同「同盟力量」。

第十場三班千二米。我最鍾意「桃花盛」,其實佢上仗已是小妹心水,當日佢出閘後放得好快,沿途走勢暢順,而且亦有遮擋,結果輕鬆大勝而回。今次賽前曾上從化做工夫,擺出繼續拼搏之決心,希望可以勝完再勝。配腳我揀「紫雲冰」同「善傳萬里」。
B女

hd