B女靚馬——馬主星輝再開勝門

第二場五班千八米。我揀「馬主星輝」做重心,佢上仗早段沿二疊居後,沿途走勢算暢順,賽事步速亦合適,到出彎入直路之後,鞍上人移出外疊即時開鞭,馬匹迅速交出追勁,最終只係追不及「龍戰士」,表現已算出色。今次回降五班十分有利,只要末段早少少發力,相信可以再開勝門。配腳我揀「成功星駒」同「老表醒」。
  第四場五班千二米。我最鍾意「鴻圖巨星」,佢整個暑假都在從化操練,狀態逐漸進步,近期快跳更令人眼前一亮,而且外觀亦靚。今場賽前試了三課閘,最近一課出閘順利,隨後見馬匹輕鬆順走,直至臨近終點仍見氣勢唔弱,狀態已經到位。今場檔位唔差,上季跑同程亦曾上名,希望鞍上人能發揮出水準,為馬兒重開勝門。配腳我揀「誠心所願」同「精算赤焰」。
B女

hd