仲達 - 晴王外檔蝕得起|頭號目標

第四場四班一四○○米。相信開季前六組沙田草地試閘有不利外欄的鴛鴦地的話,相信等「晴王」出賽等到頸都長。終於等到,但一看排位,未開氣跑千四米仲要在C+3欄排十四檔,問你怕未?

其實「晴王」上季尾初出賽時,已有點令人眼前一亮,因為當日的沙田A欄上半場一定有嚴重不利地,「美麗笑聲」就係咁輸。而「晴王」雖然留後賺啲快步速,但直路要在不利地上追,其實難度更大,最後一席第五名已彈離了其餘對手,以初出計,表現絕對收貨有餘。

到了今季,「晴王」不但在開季前的沙田草閘有好走勢,根本係課課閘都好,而且直路上有點只係按住都行過你嘅味道,估計必定超四班。至於初出跑千四排大外檔,難度一定有,而且佢暫時係在港唯一「霜降」子嗣,沒同系馬可參考,不過米高難得有好馬在手,相信不敢輕率,做足工夫才出,應該係打算一出即勝,就信佢超班蝕得起。
仲達

hd