B女靚馬——縱橫天下贏馬捧盃

第七場莎莎婦女銀袋三級賽千八米,我揀「玖寶」做重心。佢上仗沿途守好位,而且有遮擋,賽事步速亦唔快,雖然出彎後遲咗發力,但一攞到位即時直衝而上,最終追回第三名,表現良好。跑過一場熱身後,今場回師贏馬路程,並且好彩抽個二檔,大有機會補中頭馬兼捧盃。配腳我揀「美麗同享」同「天駟」。
第八場三班千四米,我就鍾意「縱橫天下」。佢至今跑同程未甩獎金,而且今季仲打疊贏馬,擺明大熟大勇。上仗早段跟前輕鬆順走,直路上愈走愈有力,去到最後二百米,鞍上人一開鞭即彈開對手,贏得乾脆利落。今次休息個多月捲土重來,狀態比上仗更好,絕對有能力繼續贏。配腳我揀「架勢奇爸」同「烈風」。
B女

hd