B女靚馬——成功財富收復前失

第四場四班千二米,我就揀「成功財富」做重心。佢今季表現一再接近,上仗出閘後早段留得較後,落腳稍為緩慢,不過出彎入直路即開始加速,結果大步衝上得季軍,走勢相當接近。今場再戰谷草千二,檔位比上仗理想,有助早段跟前一點,只要發揮出上仗水準,相信大有機會打開勝利之門。配腳我揀「對衡之星」同「亞洲籐王」。
  第七場二班一千米,我就鍾意「宜春輝煌」。佢上仗出閘反應敏捷,不過因為排外檔而留得較後,到接近入彎時,便即急不及待移出外疊,雖然蝕位甚多,不過直路仍然有力持續撲上,最終能夠追近馬群,表現出色。今次復課見佢狀態保持,只要直路攞位順利,絕對有權收復前失。配腳我揀「狀元及第」同「志勝時機」。
B女

hd