B女靚馬——順勢而飛實力過人

第六場三班千二米,我就鍾意「順勢而飛」。佢上仗跑同程贏馬而回,當時一出閘就置中順走,之後沿二疊轉彎,一入直路即移出中路望空,大約最後二百米已經透出,衝勢非常可觀,最終輕鬆贏出賽事,盡顯過人實力。難得勝後狀態仲係好靚,今次再戰勝途應可再下一城。配腳我揀「張燈結綵」同「十二馬」。
  第七場三班千二米,我就揀「越駿知己」做重心。佢今季只係出賽兩次,上仗因為排一檔關係,所以早段守包廂輕鬆跟前,接近出彎即刻移出衝刺,結果全條直路愈衝愈勁,就此勝出比賽。以此實力伸算,今場對手不算太強,仍然有力坐位望贏,只要蔡明紹能夠發揮出上仗水準,這對人馬可以再次進入凱旋門。配腳我揀「美麗邂逅」同「齊天大聖」。
B女

hd