B女靚馬——峰爭上仗試準

第四場四班千四米,我就揀「峰爭」做重心。佢上仗出閘後搶前走,然後稍為留住移入二疊搵遮擋,出彎後即時望空在中路衝刺,不過鞍上人未有太大用力,結果順跟而回。今場繼續跑千四,終於抽到四檔靚位,而且賽前曾上從化操練一個月有多,近況非常勇銳。汲取了上仗經驗,今次即回配贏馬拍檔何澤堯,應該有好成績交出。配腳我揀「線路神驊」同「得力寶駒」。

第八場二級盃賽二千米,我就鍾意「美麗同享」。佢上仗採取前置策略,沿途有遮擋輕鬆順走,出彎後鞍上人並無心急,直至最後二百五十米才開鞭,最終敗給「發財先鋒」得第二名,發揮十分稱職。今場只要早少少發力,相信有機會收復前失。配腳我揀「浪漫勇士」同「多巴先生」。
B女

hd