B女靚馬——旋里多彩靚檔收復前失

第一場四班一千米,我就鍾意「旋里多彩」。佢前仗轉倉初出即贏馬,表現煥然一新;上仗再戰勝途雖然無功而回,不過沿途被頂四疊望空,走位非常吃虧,最終只輸個幾身位得第四,怎計都是水準之作,甚至比起前仗更上一層樓。今次佢繼續瞄準谷草一千而臨,排五檔應會有理事際遇,應可收復前失。配腳我揀「寶麗生輝」同「顏色王子」。
  第七場三班千二米,我就揀「銀進」做重心。佢近兩仗跑同程打疊贏馬,除了反映路有專長,亦可見今季四季已大熟大勇。上仗贏馬姿態似難實易,今次升上三班遇較強對手,不過負磅則大幅減輕,而且排檔亦靚,計落除笨有精,加上何澤堯亦騎慣騎熟,我認為佢有力完成三連捷。配腳我揀「自然輝煌」同「齊天大聖」。
B女

hd