B女靚馬——皮具之星磅輕再勝

第七場三班泥地一哩,我就揀咗「皮具之星」做重心。佢今季跑同程表現理想,而且仲贏到上三班,可謂愈戰愈勇。上仗出閘後移入內欄搵遮擋,沿途走勢暢順,直路望空後愈追愈大步,雖然只得第二,但人馬發揮非常出色。今場改配蘇兆輝繼續負輕磅,只要出彎後早少少發力,相信可以再開勝利之門。配腳我揀「幸運傳奇」同「盈嵐」。

第八場四班千四米,我就鍾意「雙節棍」。佢今場季內初出,賽前在從化操咗接近兩個月,狀態比上季更加靚,留意佢最近試閘放得好好,每一步都充滿力量,而且仲一放到尾,由此可見現況極勇,唔排除能夠一出即勝。上季尾正是久休復出贏千四,今場陳嘉熙只要拿捏得好,有權跨季再贏。配腳我揀「世澤歆星」同「威進駒」。
B女

hd