任睇No.1
  • 21º
  • 77%
  • 2023年2月2日 星期四

B女靚馬——神朗金剛三甲無難度

第四場四班一千米,我就揀咗「快一步」做重心。佢上仗轉投伍廄初出,熱身性質都跑第四名,演出遠勝預期,尤其早段跟前遇到快步速,直路居然仲有力維持均速,證明伍鵬志已摸通馬兒竅門。此駒復課由黃皓楠連番摸實,可惜今次報爭國際騎師賽,令到楠哥無緣執韁,不過配上蔡明紹更添戰鬥力,有力贏馬而回。配腳我揀「風流人物」同「九秒九」。
  第六場四班千二米,我就鍾意「神朗金剛」。佢近兩仗獲得一冠一亞,最難得是上仗回升四班繼續交出成績,可見近況大勇特勇。不過幕後明顯未有收手意圖,復課見此駒一直勸操猛練,早前亦有彈細閘,看來有心用盡一時,而賀銘年亦騎慣騎熟,再再入三甲應該沒有難度。配腳我揀「嫡愛心」同「純金酒杯」。
B女

hd