B女靚馬——晉神長勇繼續拼

第七場四班千二米,我就揀「晉神」做重心。此駒今季成績非常好,出賽四次獲一贏兩位,七歲老馬表現回勇。上仗早段留得較後,轉彎已經開始發力,雖然最終後追不及,但喜見衝勢貫注到尾,並在主馬群過終點,可見水準保持。今場再跑谷草千二米,路程性能不用擔心,難得抽到二檔靚位,只要早段跟前少少,相信好有機會後上贏晒,取得今季第二場頭馬。配腳我揀「能文能武」同「陸知」。
  第八場三班千二米,我就鍾意「常常有餘」。佢上仗因應排外檔而早段留後,由於賽事步速偏快,處境本來唔錯,可惜直路前半段未能望空,結果姍姍來遲只追回第四,非常唔抵!今場強配布文兼檔位內移,一定會有更佳發揮,大有機會補中頭馬。配腳我揀「紅運帝王」同「終身美麗」。
B女

hd