B女靚馬——精彩非凡縮程更啱衝

第五場四班一哩,我就揀「精彩非凡」做重心。佢上仗不幸排外檔起步,早段唯有留守後方,沿途都在後跟住走,一直規規矩矩守在內欄,直至對面直路中段開始移出二疊,入彎前更進一步移出三疊,蝕位非常嚴重,不過末段見佢猶有餘勁,最終更追入第五名,表現已經收貨。今場縮程跑一哩,照計更易應付,只要沿途守住中疊,相信直路可以一衝過晒。配腳我揀「久久為攻」同「日輝煌」。
  第七場四班千二米,我最鍾意「對衡之星」。睇番佢今季跑同程曾經贏馬,路程性能有根有據。上仗排四檔本來唔錯,早段際遇亦理想,可惜直路衝刺有點阻塞,結果只追回第四,非常不值。今次布文再騎是利好信號,擺明要拼個明白。配腳我揀「人和家盛」同「亞洲籐王」。
B女

hd