任睇No.1
  • 20º
  • 90%
  • 2023年4月1日 星期六

B女靚馬——美麗同享縮程補中

第五場四班一千米,我就揀「閃電烈馬」做重心。佢今場落番四班跑,計實力鶴立雞群。前仗跑三班直路賽,早段跟前遇偏快步速,走來雖然較為吃力,不過末段都能追得近,最終更得第五,表現已經收貨。今場降班兼排靚檔,賽前亦有試大閘打磨,配鍾易禮好有機會一放到尾。配腳我揀「東方精神」同「天時明駒」。

第八場三級賽千四米,我就鍾意「美麗同享」。佢今場縮程跑贏馬路程,部署非常對辦。其實上仗跑香港一哩錦標得第四,表現已經好好,本身在入彎之際突然加速搶放,敗在過早發力而已,今次只要好好拿捏,對手無多應可補中頭馬。配腳我揀「健康愉快」同「佳運財」。
B女

hd