B女靚馬——精明勇駿準備出擊

第五場四班千四米,我就鍾意「馬主雄風」。佢出賽兩次都跑谷草千二,連番交出強橫後勁追入位,表現遠較預期好,證明呢匹四歲馬性賦早熟,幕後亦鬥志高昂。由於本身體重達一千二百多磅,轉戰沙田應會更加合適,今次加程二百米,只會更有利於發揮後勁,梁家俊騎慣騎熟,人馬發揮不用擔心,大有機會進入凱旋門。配腳我揀「健康之星」同「紅鬃烈馬」。

第六場四班千四米,我就揀「精明勇駿」做重心。佢今季五戰暫得一個亞軍,表現稍為令人失望,但經過連場熱身之後,今次終於回師贏馬路程,大可視為出擊訊號,而且回配贏馬經手人田泰安,人馬故劍重逢令人放心。要留意此駒今次除去開縫眼罩,上季贏馬時並無此配件,從種種迹象顯示,今仗應是矛頭所在。配腳我揀「錶之功能」同「聚風雲」。
B女

hd