B女靚馬——鼓浪精綵收復前失

第四場四班千二米,我就揀「鼓浪精綵」做重心。佢今季五戰未甩獎金,表現忠心準繩。上仗早段如常前置,鞍上人不用大力推騎亦主動搶走,很明顯狀態仍具作戰水準,直路上亦勢頭良好,只可惜無法追過沿途貼欄慳位的「南莊加好」,人馬發揮已經一百分了。今場難得強手遠去,加上蘇兆輝亦騎慣騎熟,希望早段能搶佔好位,咁就有機會收復前失。配腳我揀「快一步」同「上校」。
  第七場三班一哩,我就鍾意「天天得樂」。佢上仗早段守在內欄,沿途走勢順暢,賽事頭兩段步速甚快,本身處境有利,結果末段衝上得亞軍,馬兒狀態已回復季初水準。今場再戰谷草一哩而改配田泰安,正是昔日贏馬經手人,只要交回上仗水準,人馬有權再次進入凱旋門。配腳我揀「確妙星」同「銀進」。
B女

hd