健談馬事——極爽操足再進化

  第四場四班千二米,「極爽」上季四、五月跑兩次同程,短期內進幅比預期大,六月歇暑,七月上從化,操到近九月中,才被安排回港,筆者唔敢肯定北上可有成效,抑或再大一歲令馬兒繼續變,所指的變是情緒,延伸至韁口、跑姿都再進化。不論成因,只覺「極爽」有此轉變,應有好無壞,操夠再攻強項,抽到四檔唔難跑,仍抵博!

  第八場三班千二米,「永同歡欣」上季尾七月復出前,曾停課長達一個月,落場鬥依然唔失色,歇暑後復課至今,執正操練,試夠兩課大閘,由唔受操變受操,狀態亦今時唔同往日,復出所遇對手唔強,夠贏。

子健

hd