健談馬事——好大大唔係四班馬

  第一場四班千二米。「好大大」落地後試第二課閘,潘頓寧願唔試兩匹高分自購馬「安采」與「共同分享」,早前十一月三日,更甘願等前駒後備一補出,放棄該場入二、三名的「春風得意」及「優達星」,潘頓連串舉動,說明「好大大」在佢心中有地位,講法絕唔誇張;回歸事實面,睇馬兒試跑、試閘表現,令我充滿好感,亦幾肯定唔會係四班馬,只要臨場唔太急,無異常,可以買。

  第五場三班千四米。「請跟我來」前次直路塞死,上次退出,雖曾短暫停課,但睇復課試跑、試閘表現,既唔覺有影響,更覺狀態無因停課而回落,今場難得遇弱旅兼夠快馬,博佢楔得好,蝕得起。

子健

hd