勝在有方——幸福笑容後上制敵

  「幸福笑容」外地三戰全勝,且全部姿態從容。來港後戴眼罩輸了三仗,上季煞科戰除去此配備,換上陳嘉熙即能取勝,當時以為有十磅生相助,水準未算證明太多。但今季首仗,遇上超快步速,本身自造1分10秒12,跟得如此急,仍能以佳速輕勝,確認進度理想。剛戰於C+3跑道抽得大外檔,當日特利內疊前置,竟能跟「四通八達」一齊蝕盡形勢下從外疊衝過賺盡形勢之「開心好玩」,難怪前駒再出也能提升名次贏馬,連同外地累積六次無眼罩配備全勝,快轉四歲之英國自購好馬已完全適應水土。今隔五星期再出,逾千二磅之大馬體重保持,高班跑千六講求噸位,尾場A跑道同程亦常利追,有望再從外疊後上制敵。

  「四通八達」雖已五歲,但連同外地只跑了九仗,里程應未盡。新勝姿態尚好,可像上季般打疊三仗入三甲。「友誼至好」最近增程到此也能勝,末段點到即止,上班少負九磅仍夠用,但噸位稍輸蝕,僅作第三選擇。

方駿暉

hd