健談馬事——悅裕強配見真章

  第二場三班千八米。「悅裕」上次的騎法,不及剛周三介紹的「勤德兼備」般離譜,只可說出奇地唔夠果斷,又唔夠運,全條直路只衝一百米,顧住轉位與修正,一鞭無打過都跑第五,耗力唔多,絕唔係狀態回落等因素而引致名次倒退;由於要等賽程,令到有足夠時間休息兼準備,操法一如對上兩場,落場前試課大閘,叫番醒出賽意識,換戴圖理,只要用番合理騎法,便會如「勤德兼備」見真章。

  第九場二班千二米。「常感恩」上仗遇到跑國際賽的數駒,遇埋超快步速跟乾,跑輸唔出奇。今次跑番二班,雖要轉負重磅,對手卻完全唔一樣,再結合今場快放馬唔多,變身唔係無理由。

子健

hd