健談馬事——得勝駒再有驚喜

  第二場五班泥地千二米。有泥地證明的馬匹唔多,有千二賽績支持者更唔多,當銳馬更少,今季跑三場都上名的「探險家」,唔止識跑泥地,級數、銳氣都勝過同場大部分馬。徐雨石刻意部署縮程,讓路予「天地同心」跑第四場五班草地千四,明知千二嫌短也肯試,用得蘇兆輝,肯定有諗法,遇到有數匹快馬形勢,扯得散,只要早段唔落後太遠,有權一攻而破。

  第九場二班草地千八米。「得勝駒」轉由韋達接手後,經過數月調校,更換配備,再配上巴度,上仗終於翻身。食住個勢,今次重返二班,少負十四磅再跑,對住十三匹季內未曾贏過二班的所謂二班馬,隨時再有驚喜!

子健

hd