健談馬事——育馬新星喜逢弱旅

  第一場四班千二米。同班同程拆開三組,均屬水鬥水場合,今場三落四班的「育馬新星」,轉投鄭廄後第二度出賽,上次轉倉時間短,只跳兩課落場都輸近,今次拍跳三課,換田泰安,抽三檔,對住一批弱手已夠贏!

  第三場四班一六五○米。「肥仔威威」上仗排一檔兼賺慢步速贏弱組,賽績唔算硬淨,但基於跑馬跑對手之標準,這次四班同程拆兩組,有幸編進弱組,避開第五場較強組別,對手中只有「醉開心」季內識贏,且只屬五班頭馬。體弱馬經個半月回氣,埋門試泥閘追勢夠勁,今次遇弱手又抽一檔,賺完可再賺!

子健

hd