健談馬事——友誼至好當銳再勝

  第二場五班草地千六米。愈近季中,現時仍然留在原班的平凡馬,愈難抵擋四落五班之馬,今場的「七寶」與「小福將」,雙雙都是在四班相對下風唔夠贏,但落班轉換另一批對手,則由弱勢變強勢。這兩駒曾在167場次的四班同程同場鬥過,分列二、四名,推算能力相近,而比較跑法、配搭,引伸至今場,再預估步速形勢,相信「小福將」會稍贏點數分。

  第十場二班草地千六米。高班賽先講馬匹銳氣,再睇負磅,今場當銳馬少之又少,有「喜蓮彩星」頂起負磅,令全場最銳的「友誼至好」可繼續負中磅落場。「友誼至好」上賽後休息一個月,做埋大閘等跑今場,操練時間表理想,同場有足夠前領馬,預期步速正常,降低原本覺得唔太理想的一檔之疑慮。

子健

hd