健談馬事——紅旺縮程截然不同

  第三場四班千二米。同班此程拆兩場後,變成水鬥水局面,這場只得「喜勝駒」季內贏過同程四班,比起今組對手有好無差,本身唞夠兼操足,亦比早前密跑有好無壞,體弱馬難得經小休後,最近試大閘、拍跳都出奇地受落,因而相信可交回季初八、九分水準,絕對唔係奢望。

  第五場四班一千米。「紅旺」被葉楚航刻意安排縮程,剔出今晚兩場千二名單,從近仗千二表現,以及對其熟悉度,對此不感奇怪;再加上最近喜見此重口馬,加鼻箍快跳數課,唔止一課感覺良好,縮一千兼抽一檔,亦唔怕落場會搶口難留,可望有截然不同表現。

子健

hd