健談馬事——鴻圖巨星信雷神眼光

  第六場三班一六五○米。莫雷拉最近騎完再騎的馬,贏完一隻又一隻,一月尾至今,已有「安定繁盛」、「至尊大師」、「不羈的風」、「為食格格」及「爆騷」。今場的「鴻圖巨星」,莫雷拉騎兩次都搏輸,明知跑番三班都再騎,今次有重磅變輕磅、外檔變一檔、重戴眼罩這三樣變數,對住一群季內全部贏唔到三班的對手,夠爭!

  第七場三班一六五○米。補出的「福威勝」繼358場次後再遇「勤德兼備」、「童話」及「翡翠福星」,上仗雙蝕只跑唔贏「童話」,今次形勢逆轉,轉抽四檔兼有足夠前領馬,出現慢步速機會唔大,相對提升贏面。

子健

hd