健談馬事——錢途燦爛追得過

  第一場四班千二米。「富祿」有能力,只是一直衰在太重口,夾硬留會人馬角力,自己鬥散自己,直至最近才稍有改善,縱使仍未夠好,不過最近的四班千二賽事,無論谷草或田草都水準唔高,大家唔叻鬥唔叻,落計今場已夠用。今次無疑又抽外檔,不過有好有唔好,好的是會疊埋心水留後爆一段,唔好的是怕蝕形勢而已,惟換到較佳分頭,仍覺值博。

  第二場四班千二米。「錢途燦爛」連續三場見好,上次排十四檔焗留,處境被動亦照贏,唔好睇表面,以為純靠賺快步速,其實同場唔少馬都遇相同形勢,點解得佢識追,末段更造到22秒81衝贏對手?食住當起勢頭,今仗加六磅再跑,再遇多快馬之場合,抵博過同場熱門。

子健

hd