健談馬事——幸運傳奇一出即拼

  第二場四班千二米。初出的「幸運傳奇」一早被莫雷拉睇中,縱然十月和十二月曾兩度短暫停操,但自一月中開始便再無間斷,一直操至二月尾,期間試落地後的第四課閘,展示出不俗的速度及能力,能拍住高分馬「星運明爵」同到,姿態差唔遠,終於理解莫雷拉為何攬實唔放手。經此閘確認大致操好後,羅富全等了又等,今次出王牌報名上陣,幸運地遇上一組唔強對手,有把握一出即勝。

第六場三班千四米。莫雷拉今次第三度策騎「大眾歡呼」,一條心為此駒效力,早前已經提過,這類雷神不願放手之馬,近期都能經常補中。此駒上仗跑同程,突然改用留後跑法,遇上慢步速都能追得接近,今次無論排檔及形勢都唔同,變身有理!

子健

hd