健談馬事——活力勇士最值博

  第二場四班千二米。「活力勇士」已變為三四班升降機,季初贏同程後,升三班唔夠跑,減夠分落班後,回夠氣兼重新試準,今次執正操練,復爭季內贏馬路程,回配郭能抽五檔,同場快馬又夠多,條件與形勢都有利,值博!

  第四場四班一六五○米。「飛雲騅」季內贏同程,除壓倒「雷公鑿」等對手外,還是快步速頂到尾頭馬,也許負輕磅有助力。加磅後無法再進,或因馬房慣常演出反覆,無論點解讀,都已過去;今賽前休息兩個多月兼曾試閘,畀定黃俊接手,泥閘表現有前有後,今晚落場只負一一六磅,條件轉變令競爭力又再回來。

子健

hd