健談馬事——美麗多多換人抵博

  第四場四班千四米。「美麗多多」上仗由利敬國操刀,沿途走外疊,發力點錯晒,輸得甚為肉酸,從另一方面睇,三歲馬首度上千四,根本也難以克服。今次終於由莫雷拉接手,利敬國轉騎「叻叻精彩」,後駒唔見得有幾好,唔似揀騎,反而「美麗多多」經過兩場實戰後更感硬淨,也許時機成熟,莫雷拉才接手,今次同場有足夠前領馬,縱使排九檔,也期望會有唔同騎法,唔太熱,對手唔強,仍覺抵博。

  第七場三班千二米。高伯新最近的出賽馬,超過一半的操練都有瑕疵,今日亦只有「福善」及「福逸」操足,此場「福逸」更屬破格馬,所有條件都符合要求。

子健

hd