健談馬事——勁飛聖轉倉即拼

  第三場五班千二米。「勁飛聖」未轉馬房前,無緣無故接連跑三次田草,更跑勻千四、千二、一千,部署令人費解。近兩場都唔差,以為試準,豈料卻轉馬房,大摩接手雖只約三周,不過一來跑開唔差,二來轉一轉操法,更覺有好無差,重返谷草跑強項千二,換波健士,加面箍,排五檔,遇到快馬唔多的局勢,預計會好跑,夾埋上述變數,寧願博佢返來,好過博唔穩熱門。

  第八場三班千八米。「動力飛鷹」近兩場發揮都覺唔好,應可再近兼有威脅,變成近而無威脅,對近績不以為然,今場轉爭有好無差的千八,縱換巫顯東,都會博多一次。

子健


hd