健談馬事——共創繽紛夠爭夠贏

  第六場四班千二米。蔡約翰今季的質新馬,輸到人怕,數據差到極,我向來一碼歸一碼,對早前那批新馬,大部分都無好感,然而對今日一齊落場的兩駒,此場「共創繽紛」及七場「仙履奇遇」卻有唔同睇法。前駒港、從兩邊走,四月尾回港後,睇過近兩課大閘表現,已覺似樣,再睇埋門大圈追後駒一課,更覺吸引,既然有備而來,進度亦夠好,初出遇到一批大多欠證明之馬,夠爭兼夠贏。

  第九場三班千八米。「悅裕」上仗休後復出,即交回應有水準,勝後至今,足足有一個月休息,再上從化充電,又有試大閘,鎖定這場做目標,加六磅唔算多,仍覺值博。

子健

hd