健談馬事——勁飛聖直路賽夠贏

  第一場五班一千米。「勁飛聖」大前仗未轉馬房,角逐同程得第六,表現唔太差。此役後改由大摩接手,已出賽兩次,上仗跑千四嫌長,但竟然有驚喜。復課後喜見操練加壓,做齊拍跳及試草地兩個工序,唔止頂得住,更許久未覺有此狀態,隔三周再落場爭直路賽,抽九檔好跑,夠贏。

  第九場三班千四米。「勞動創造」上仗贏谷草一哩後,沈集成繼續對牠壓逼,隔三個月再試大閘,繼而再安排草地拍跳,此刻其狀態比上仗有過之而無不及,今次改爭千四,抽二檔,同場數匹主要對手全抽外檔,而且要靠追,相對本身條件唔算差,若因為改配潘明輝而變得好分,更加抵博。

子健

hd