健談馬事——勁力十足單W抵博

  第一場新馬草地千二米。雖有初出「美活人生」及「香港精神」加入,卻覺不足為患,可是形勢不如表面般一面倒。「勁力十足」上仗跑同程,論表面肯定比「悅豐泰」好,亦唔差過「禪勝寶駒」,首先蝕排檔,再蝕埋超慢步速,仍交出22秒1追回第四。今次「禪勝寶駒」要讓牠十六磅,「勁力十足」亦由九檔變四檔,莫說由蝕變賺,單是唔蝕,已覺足夠反先兩大熱門,單W相對抵博。

  第三場五班草地二千二百米。「靈鋒」上仗遇慢步速,再遇當日大利前置偏差,有本事追到第五,比起大前仗跑第三,其實有好無差。苗禮德賽後繼續向牠施壓,喜見馬兒頂得住,賀銘年最啱騎此類馬,可博冷WP。

子健

hd