健談馬事——輝煌星可望再贏

  第二場五班一千米。「喜奔騰」季內跑同程兩度入位,最近由文家良接手,竟然連直路賽都上名,證明唔係賣剩蔗,今次重返谷草跑強項,換周俊樂,比上次用薛恩少負十磅,抽埋一檔,對住一群路程性能次一皮之馬,爭勝條件最齊呢次。

  第八場二班一六五○米。「輝煌星」上仗初次渡江即贏馬,若非谷草專家,實在難以做到,其表現亦遠較田草好。季尾當銳馬,今負一二六磅唔算重,同場逾半對手唔夠銳,論本身條件有好無差,再結合今場有足夠前領馬,形勢與上仗變化唔大,可望再贏。

子健


hd