翠絲過兩關——行星夢強組精品

  韋達對今季成績相當有期待,但首天只取得兩席季軍,難免有點失望。據聞馬房對今次賽事甚有信心,第四場「富祿」應可擔當開胡重任。

「富祿」上季連續兩次排最外檔贏谷草千二,難度高之餘,若非實力超級根本難以做到。雖然在675場次表現失準,但一來負重磅,二來排外檔,加上搏了多仗體力下降,失準自有因由。馬兒在暑期被安排北上從化,眼見近期狀態頗佳,今次難得抽二檔,贏面高唱入雲。

  沈廄一向是季初急先鋒,開鑼日亦已打開勝門。今次第八場「行星夢」應可替馬房延續勝纜。此駒上季尾跑千四米純粹搞笑之作,本身千二米跑得好,根本沒必要轉路程。回看718場次首戰谷草千二米,該賽水準頗高,同場一、三、四、五名馬再出都非贏即位,「行星夢」這一席亞軍定要秤高。今次由雷神執韁再攻同程,有力贏馬而回。

珊翠絲

hd