勝在有方——常勝心值得冷敲

  「常勝心」上季中出道次仗轉跑谷草可跟「好甜橙」鬥得接近,翌戰增程跑千二米加添難度,雖然名次倒退,但沿途走二疊仍能跟同一路段之實力指標「孖寶」跑近,而被其後可勝三班之「好友益」 和「加州雷電」衝過,屬強組殿軍。可能此兩役耗力較多,且其後常轉配備,演出略嫌反覆,但能跟其後跑入前兩名之「濃有」和「人和家盛」衝近而氣走翌戰補中之「南區寶」,確認跑出水準時稍高於四班中級。今次重返田草直路賽,本身夠晒噸位,料有足夠體力和新鮮感,快馬夠多而排檔適中,雖然埋門準備稍放緩而體重偏低,但半冷仍值得敲。

  「帝豪精彩」曾在谷草千二兩度入位,直路賽亦曾跟今場熱門「富高八斗」跑近,現時一來一回賺了十三磅,操好起用潘頓也具勝望。「同有友」 上仗在強組入位,確認直路賽威力至少值四班中上級,開氣後望可打疊好。

方駿暉

hd