雄深雅健——信名氣不如信事實

  跑馬都出現民粹化?近一、兩年,發覺愈來愈嚴重,芝麻綠豆小事,總有人刻意放大,吹熱就有空間,吹唔熱就當無事發生。

  個人吹捧主義,打一派,拉一派,專做無謂比較,試圖影響讀者、觀眾,加入做擁護者,如非同路人,就會被攻擊。

  許冠文好笑,抑或周星馳好笑,你、我、他各有不同,點解硬要捧一邊,貶一邊,不能自由選擇呢?

  身處香港做馬迷,自由度高,有得揀,無焗賭,切忌身在福中不知福。

  邊個騎師?邊個馬房?邊隻馬?都有強、弱之分,不必過度吹噓,我仍堅信,大部份人眼睛都是雪亮的。

  成績屬事實反映,永遠是對的,吹到幾大都好,交唔出成績便是事實,也許是短期現象,惟只要一直不轉勢,斷不可因名氣,盲目高估,放諸騎、練、馬三方皆準。

子健


hd