重點出擊——威力飛馳坐定粒六

  賀賢馬房早前鬧兵變,廄內多駒相繼他投,筆者對內情略有所聞,在此希望倉主能盡快穩定局面,否則兵力買少見少,後果堪虞。而近期所見,賀賢也作出實際行動,連日都有搏殺動靜,單計二月份共奪得兩贏八位,攻勢浪接浪。

  今期推介第七場「威力飛馳」,這匹四歲馬季內七戰有五次收獎金,雖然尚未贏馬,但已表現出忠心準繩一面。回看牠最近一次跑田草千八,於260場次早段留後遇偏慢步速已不利,直路初又於馬林移入移出搵位,走至最後百五米才望空,竟可三幾個箭步撲入季軍,竄勁之強橫非同小可。

  留意該賽頭馬「快益善」,接戰升上二班也拼入Q,實力殊不簡單,「威力飛馳」在260場次能夠蝕盡先機而負於前駒僅頸位,今次再戰田草千八,應該坐定粒六。

安西教練

hd