頭號目標——有苗頭決心救馬

  第一場五班一二○○米。今次推介「有苗頭」,我並唔認為係全場實力最高的一匹,但如果今次救馬不成功,就肯定係最唔抵的一匹,因為佢前仗谷草千二只個多身位負於之後四班都上名嘅「種福者」,若依照以往季尾五班評分會較鬆手嘅慣例,應該已加咗兩分逃出生天,想唔到該個第二竟然一分不加!

  上仗「有苗頭」再戰谷草上名途程,本以為坐位望贏,可惜早段田泰安可能因為手緊,跑來車前倒後,入直路後先是受困,望空後前方又被「瑪神好運」橫越,根本沒真正發揮過,最後跑梗頸四。今仗來到最後一擊,田泰安三度作馮婦,相信騎練都一心救馬,在A跑道排十三檔未必不利,若屆時地快利前置,走二三疊跟前隨時是食胡位。



  如果跑出實力的話,「天天智庫」可能暫時是全組之冠,前仗在四班同程蝕盡步速及跑道形勢,直路初都一度彈離,走勢絕不簡單。其實既然天生速度勝過對手,今仗早段毋須盡搶,順其自然跟前,待出彎前發力的話,隨時帶到。不過上仗落班配黃俊,出擊心意成疑,怕矛頭可能是下季,但拖一票不能慳。

仲達

hd