賽馬韋論——另類人馬頒獎禮

  超過十個半月的馬季曲終人散,冠軍人馬各獎項已塵埃落定。官方頒獎當然是一本正經,如民間頒獎又會如何呢?

  筆者來個另類頒獎禮啦!



  有最佳新馬獎?為何沒有最佳老馬獎?得獎者實至名歸,是已在泳池暢泳中的「歡樂小子」,已屆十歲於季尾仍能贏馬,而且七月十四日仍在游水,現正享受退役後的每一刻。

  神奇馬匹大獎是「嘉應精英」,前季只贏直路賽,跑谷草及泥地都曾落第,剛季熱身兩仗後卻展開神奇之旅,先後兩度在田草千二米贏馬,其後跑谷草及泥地再交出頭馬,三種場地一季制霸,認真厲害也!

  最具娛樂性騎師獎,是你啦!上來啦!唔好左望右望,波健士!再者竟然曾在沙圈差點兒騎錯「大金庫」,如斯滑稽當然眾望所歸啦!

  飛躍進步騎師獎的競爭最為激烈,今季幾位前列騎師如田泰安、何澤堯及史卓豐等贏馬減少,令巴度、賀銘年及梁家俊的頭馬數字也破新高。不過薛恩表現的確令人驚喜,韋少造畀佢啦!

  最受歡迎官台節目,當然是《聽日有馬跑》啦!皆因有《賽馬KOL》,是韋少首個出現在官台的環節,希望來季繼續有這機會啦!

  至於最受歡迎網上賽馬節目,你話呢?但排隊都未到《排位餸飯》,因為有韋少囉!

韋少

hd