B女靚馬——韋小寶操足爭盃

  話咁快放完暑假,相信馬迷都好心急想快啲開鑼,今日小妹就介紹兩隻靚馬,希望幫助大家財運亨通!

  先睇第四場特首盃,我揀咗「韋小寶」做馬膽,呢隻馬上季提早歇暑,六月初就上咗從化,操咗三個幾月之後,睇佢最近試嗰課閘,走勢有前有後,非常吸引,而且外觀亦好靚,好明顯狀態大勇。今次跑千二係贏馬路程,雖然對手各有水準,不過本身勝在準備充足,又唔係熱門,同場我會要埋「夢想成金」同「肥仔叻叻」。



  第八場四班千六,我嘅心水馬係「影疾」,佢上季喺同程跑過入三甲,而且一再接近,睇返佢最近嗰課大閘,追上嚟都好勢頭,今次配返贏馬拍檔潘頓,照計有冷門機會,同場我會要埋「快步速」同「翡翠綠」。

B女

hd